Tag Archives: poezi shqip
Gjuha shqype
Porsi kanga e zogut t’verës,
qi vallzon n’blerim të prillit;
porsi i ambli flladi i erës,
qi lmon gjit e drandofillit;
porsi vala e bregut t’detit,
porsi gjâma e rrfès zhgjetare,
porsi ushtima e nji tërmetit,
ngjashtu â’ gjuha e jonë shqyptare.
Ah! po; â’ e ambël fjala e sajë,
porsi gjumi m’nji kërthi,
porsi drita plot uzdajë,
porsi gazi i pamashtri;
edhè ndihet tue kumbue;
porsi fleta e Kerubinit,
ka’i bien qiellvet tue flutrue
n’t’zjarrtat valle t’amëshimit.
Shpirt nëne
Akoma t’ngrohta rrobat nëpër dhomë
Aroma e duarve mbetur ditëve të saj,
Mbi komodine një foto çdo fjalë dëgjon
Ndaj koha të re e t’bukur do ta mbaj.
Çdo gjë e njëjta asgjë ska ndryshuar
Hapur perdja kur shihte parkun n’vjesht,
Mbi xhama buzëqeshje saj e vizatuar
Vec tik-taku orës sot s’di pse hesht,
Jam zog i lirë
Linda,
Kur më lejuat Ju,
U ushqeva,
me çka pështytë Ju,
Qesha,
Sepse duhet t’ju argëtoja Ju,
Qava,
ngaqë ishit të trishtuar Ju,
Dashurova.
atë që dhunuat Ju,
Por,
s’kam ndërmend të vdes, kur të vdisni Ju!
Mjaft,
Jam zog i lirë!
Poezia e shkruar nga: Sokoll Olldashi
Per ju femijë të kombit tim
O ju zogjtë e malit,
O lulet në saksi,
O mjalti në hoje,
O qumështi në gji.
O lulja e pranveres,
O yjet në agim,
O të bukurat gardhelina,
O femijet e kombit tim.
Dallëndyshja
Gjithçka filloi si një lojë
Nuk kish sesi t’mbaronte ndryshe,
Në kafaz sa mund të rrojë
Një krenare dallëndyshe?!
E rrethuar nga pasioni
Që të mbyste çdo dëshirë,
Fluturove nga ballkoni
Hape krahët e tu të lirë!
Dëshirë mistike
Je një zjarr që djeg vazhdueshëm
Çdo qelizë, në çdo detaj,
Ekuacion i pakuptueshëm
E kush tjetër mund të t’ngaj’ .
Je dëshirë që rri mistike
Brenda shpirtit tim merr frymë,
Bukuri mitologjike
Në humnerën tënde shtymë.