Përjetë i yti
Nuk u ktheva të t’shikoja
Por u kthyen sytë e mi
Në të kundërt dhe pse shkoja
Zemrën, kisha lëne tek ti!
Me gjithçka që kishte brënda
Ndjenjash, gjaku orendi
Në tokë tjetër shkelte këmba
Zemër-shpirt aty tek ti.
Në botë tjetër përfundova
Unë dhe trupi im i shkretë,
Për së largu e kuptova
C’kisha humbur në t’vërtetë.
Pa ty, humba në kujtime
Do të thotë ”ty s’mund të humb”,
Kur në dorë ke zemrën time
Asnjëherë nuk bëhesh fund.
Ndaj s’u ktheva të t’shikoja
Sepse sytë u kthyen vetë,
Në të kundërt ndoshta shkova
Por tek ti mbeta përjetë!
Poezi nga: Bledi Ylli