Pa fjale

Mbetem pa fjalë,
kur zhytem në mendime të thella,
e vështrimet nguliten diku,
kur sytë shohin realitetin
imagjinojnë diçka tjetër
e shikojnë përtej largësive!
Po, mbetem pa fjalë,
kur ndryshe flet zëri i brendësisë,
se imagjinata mbetet imagjinatë
e realiteti ky që është,
realitet që më bën të flas.

Mbetem pa fjalë,
sepse duhet të flasim e të kuptohemi,
të gjejmë gjuhën e përbashkët
e kur mendimet përputhen
gjërat mund t’i ndryshojmë,
por jo kur njeriu flet në vend të gabuar,
aty ku s’ka fuqi të ndryshojë asgjë,
e s’e dëgjon asnjeri,
aty ku do të jetë ai që s’është,
që do të arrijë me dhunë atë që s’i takon,
e do kërkojë diçka tjetër e tjetër!
Mbetem pa fjalë,
kur shoh se si njerëzit kanë harruar
t’i lumturojnë njerëzit rreth vetes.
Për ç’farë? Për një ditë që asgjë s’do të kenë,
e s’do t’u duhet asgjë,
që do të kërkojnë vetëm frymë për të qenë në jetë?
Mbetem pa fjalë,
nga realiteti që po na lë pa frymë,
kur i shoh njerëzit duke u endur,
duke vrapuar si të marrë,
duke mos ditur se ç’kërkojnë,
sa s’janë duke ngrënë njëri-tjetrin!
Ku janë mirësitë që duhet bërë,
e të rikthejnë buzëqeshjet tek të dashurit,
kur lumturia është në gjërat e vogla,
është në përditshmërinë.
Mbetem pa fjalë,
kur e di se një ditë për të gjithë
do të jetë vonë për gjithçka!

PoeziShqip.com is an archive of albanian poems. Each day, we bring you a new poem from new books, magazines, and journals. Poems are chosen from the work of a wide variety of poets published or translated in the English and Albanian language. Our most eminent poets are represented in the selections, but also poets who are less well known. The daily poem is selected for its literary quality and to provide you with a window on a very broad range of poems offered annually by publishers large and small. Included with each poem is information about the poet and the poem's source. Our purpose is to make it easier for people to find poets and poetry they like and to help publishers bring news of their books, magazines, and journals to more people. If this is your first visit to PoeziShqip.com, let us welcome you with poems.