Na ikne grate ne feste

Na iknë gratë në festë
mjerë, mjerë, ne të zestë
shtëpine, pa fshir’ na i lanë
kapic’ pjatash,mbi lavamanë.

Nisen, qeshur grupe- grupe
një shall fallco, përmbi supe
kullundrisur, gratë tona,
kush me fund ,kush pantollona.
Secila, mburr plaçkat e veta
e shikohen, mos kan’ të meta
edhe qeshin, sa shkulin brinjët
kur ndonjëra,s’ka lyer thinjët.

Ca të reja, e ca plaka
ca me çizma, ca ,këpuc’ me taka
ca hundëvarura, nga inati
kan’ një javë, s’bëhen dot gati
mbushur duart ,byzelikë
lyer sy, lyer qerpikë.

Ca të holla, ca kollomaqe
shkuar pudër, nëpër faqe
ngjyer buzët ,anë më anë
sa nuk njihen, cilat janë
hajde gjeje, kush ësht’ tëndja
pika gra, ju lojti mëndja.

E qefi, u bëhet mal
kur kapardisen në lokal
kryetare, më të vjetrën
e llomotitin me njëra-tjetrën.

Ngrihen nuse, e ngrihen gjyshe
lozin dancë, dyshe-dyshe
lozin, gjer u thyen takat
mbeten zbathur, dëpër pllakat.

Pa le, kur e marrin vallen
gjysma lozin, gjysma tallen
tunden plakat, si beqare
baaa kur roitnë fare.

Po ne burrave, moj, ku na latë
qënka fati, veç për gratë
ku të vemë, ne të zestë
si s’u ndodh, për ne, një feste.

Asnje festë,asnje pushim
kësaj i thonë,diskriminim
ndaj ,do mbyllemi, në kafene
bam raki ,e bam meze
a ndonje birë, më të thatë
gjer, të na kthehen gratë

Hajde pimë, gjer ndaj të gdhirë
se na lan’ gratë, si fakirë
çfar’ të bëjmë, dhe ne të zestë
veç për ne, s’u gjend një festë,

PoeziShqip.com is an archive of albanian poems. Each day, we bring you a new poem from new books, magazines, and journals. Poems are chosen from the work of a wide variety of poets published or translated in the English and Albanian language. Our most eminent poets are represented in the selections, but also poets who are less well known. The daily poem is selected for its literary quality and to provide you with a window on a very broad range of poems offered annually by publishers large and small. Included with each poem is information about the poet and the poem's source. Our purpose is to make it easier for people to find poets and poetry they like and to help publishers bring news of their books, magazines, and journals to more people. If this is your first visit to PoeziShqip.com, let us welcome you with poems.