Frymëzimi im

Sonte qielli ka shum yje
Midis tyre gjendesh ti,
Sonte yjet ndriçojnë qiellin
Ti je qielli në pafundësi.

Aq të dua edhe unë
Pjesë të shpirtit tim të mbaj,
Ti gjithmonë je muza ime
Frymëzim në çdo detaj!

Ndodh cuditshëm të kesh ndjenja
Dhe pse shpirtin se prek me duar,
Ndodh të duash dhe në heshtje
Ashtu me ndodhi edhe mua!

Erdhe ti mrekulli e bukur
I till do të mbesësh ti gjithmonë,
Je qetësi e zemrës sime
Heshtje e natës më shoqëron!

Poezi nga: Maurisja Xhamaqi

Me mijëra netë

Nuk ka mbiemër të t’përshkruaj,
As epitet të t’krahasoj,
Një cigan në vend të huaj,
Bardh’ e zi të pikturoi!

Të kam përballë portret i vjetër,
Pikturë e lirë edhe e thjeshtë,
Eshtë zhubrosur ajo letër,
Nga ai shi, at’herë në vjeshtë!

Por përsëri ti je përrallore,
Si të ket’ bërë Da Vinci vetë,
Buz’qeshja jote ashtu hyjnore,
Dhe sytë e tu, të kaltërt, det!

Më ndodh shpesh ashtu në heshtje,
Me ty pa rreshtur, të bisedoj,
Nuk jam i çmendur, të flas me vete,
Nuk nxjerr zë, imagjinoj!

Je një përrallë që e kam jetuar,
Me mijra herë, në mijra netë,
Cdo ditë më shumë t’kam dashuruar.,
Dhe pse ti je, veç një portret!

Kërkoj për fjalë të të përshkruaj,
Fjalët pranë teje nuk gjejnë kuptim,
E pikturuar nga një i huaj,
Sa e gjallë në shpirtin tim!

Poezi nga Bledi Ylli

Më duaj nesër

Do të më duash nesër i dashur si sot?
Do t’a shoh përsëri këtë dritë në sy?
Me dashuri kurrë nuk mjaftohemi dot
Kemi lindur për të mos qenë vetëm, por dy.

Do më duash kur sytë ta humbasin shkëlqimin?
Po kur frikërat e mia mbi ty të bien rëndë?
Nëse pa dashur grindavece do të bëhem?
Mund të më zbusësh me puthje a ndonjë këngë?

Mos u jep rëndësi ankesave të mia
As syve të lodhur nga netët pa gjumë,
Nëse sy do t’kesh shpirtin të ma shohësh
Ti do të marrosesh e do të çmendem unë.

Më duaj i dashur, siç duhet një grua
Më shtrëngo nëse e ndjen veten burrë,
Pasiguritë fshihmi, dashurinë lerma mua
E…që më deshe, s’do t’pendohesh kurrë!

Poezi nga: Aida Previzi

Pa fjalë

Mbetem pa fjalë,
kur zhytem në mendime të thella,
e vështrimet nguliten diku,
kur sytë shohin realitetin,
imagjinojnë diçka tjetër
e arrijnë të vështrojnë edhe përtej largësive!
Po, mbetem pa fjalë,
kur ndryshe flet zëri i brendësisë,
se imagjinata mbetet imagjinatë
e realiteti ky që është!
Realitet që më bën të flas dhe përsëri hesht!

Mrekullia edhe shpirti

Mund t’i falësh dikujt trupin
Zemër, duar, mish e thua,
Vjen një ditë e i merr prapa
Sepse thjesht i ke dhënë ”hua”.

Por gjëkund në dor’zon shpirtin
Sërish prapa nuk të vjen,
”Bota jote e padukshme”
Ky është shpirti… Më se gjen!

Mrekullia do t’ish ajër
Pluhur, gjepura, teori,
Po t’mos kish diçka prej teje
Sigurisht… Ajo je ti.

Sikur gojën të m’a mbyllnin
Të më zinin vesh e sy,
Vetëm duar të më linin
Më mjaftojnë, të shkruaj për ty.

Se në trup të mbaj të mbyllur
E më mbyt në frymëzim,
Ti më mban ndër shkronja lidhur
Ndaj dhe quhesh shipirti im.

 

Poezi nga: Bledi Ylli

Rri urtë o brenga ime

Rri urtë o brenga ime dhe falmë qetësinë,
Ti mbrëmjen e kërkoje, ja tek po zbret tani,
Pëlhurën mbi qytet të mugëtit po e shtrin,
Disave u sjell paqe, të tjerëve mërzi.

Kur turma e ndyrë e njerzve, që veç dëfrime dinë,
Të fshikur nga kamxhiku i Epshit në gosti,
Të poshtër zhgryhen krejt ndërsa pendime u vinë,
O Brengë, nëma dorën, me mua eja e rri.

Larg tyre. Shih si kërrusen gjith’vjetët e harruar
Lart nga ballkoni i qiellit me petka të vjetruar,
Si ngrihet Mall’ i hidhur nga ujrat buzëgaz;
Nën urë Diell i mekur si bje kur vjen ndajnata.

Dhe, si qefin ne Lindje, nga hijet ndjekur pas,
Dëgjo, dëgjo, e dashur, si ecë e ëmbël Nata.

PoeziShqip.com is an archive of albanian poems. Each day, we bring you a new poem from new books, magazines, and journals. Poems are chosen from the work of a wide variety of poets published or translated in the English and Albanian language. Our most eminent poets are represented in the selections, but also poets who are less well known. The daily poem is selected for its literary quality and to provide you with a window on a very broad range of poems offered annually by publishers large and small. Included with each poem is information about the poet and the poem's source. Our purpose is to make it easier for people to find poets and poetry they like and to help publishers bring news of their books, magazines, and journals to more people. If this is your first visit to PoeziShqip.com, let us welcome you with poems.